ٹرانسلیشن اور کیلی گرافی کورسس - اشتراک کے لیے امبیڈکر اوپن یونیورسٹی سے اردو اکیڈیمی کی نمائندگی
تلنگانہ اسٹیٹ اردو اکیڈیمی اور بی۔ آر۔ امبیڈکر اوپن یونیورسٹی کے اشتراک سے ٹرانسلیشن اور کیلی گرافی کورسس کے آغاز کے سلسلہ میں رجسٹرار امبیڈکر اوپن یونیورسٹی سے نمائندگی
ڈاکٹر محمد رحیم الدین انصاری صدرنشین تلنگانہ اسٹیٹ اردو اکیڈیمی کی ہدایت پر جناب ڈاکٹر محمد غوث ڈائرکٹر/سکریٹری تلنگانہ اسٹیٹ اردو اکیڈیمی نے جناب پروفیسر جی۔لکشما ریڈی رجسٹرار بی۔آر۔ امبیڈکر اوپن یونیورسٹی سے ان کے چیمبر میں ملاقات کی اور اردو اکیڈیمی اور امبیڈکر یونیورسٹی کے اشتراک سے چھ ماہی ڈپلوما کورس برائے ٹرانسلیشن اور ڈپلوما کورس برائے کیلی گرافی کے آغاز کے لئے تحریری نمائندگی کی۔
پروفیسرجی۔ لکشما ریڈی رجسٹرار نے ان کورسس کے بارے میں تفصیلی گفتگو کی اور تیقن دیا کہ یونیورسٹی اس سلسلہ میں بہت جلد مثبت فیصلہ کرے گی۔ اس موقع پر اردو اکیڈیمی کے عہدیدار و ارکان عملہ مسٹر وی۔کرشنا سپرنٹنڈنٹ، محمد ارشد مبین زبیری اور محمد رفیع بھی موجود تھے۔
